Case Hackathon — студенттердің тәуекелдерді басқару, қаржылық талдау, Data Science және Machine Learning саласындағы практикалық дағдыларын дамытуға бағытталған практикалық-интеллектуалды сайыс. Осы Положение сайысқа мақсаттары, міндеттері, форматы, қатысу шарттары мен өткізу тәртібін айқындайды. Хакатон заманауи қаржы ұйымдары кездесетін нақты практикалық кейсті шешуге негізделген.
Сайысты ұйымдастырушы – Қазақстан-Британ Техникалық Университеті (ҚБТУ) KPMG FRM бөлімінің өкілдерінің қолдауымен.
Сайыс командалық форматта өткізіледі және студенттердің кредиттік тәуекелдерді басқару процесін практикалық тұрғыдан түсінуін қалыптастыруға, қаржылық және қаржылық емес деректерді талдау дағдыларын дамытуға, Data Science және Machine Learning құралдарын қолдануға, KPMG FRM бөлімінің тәжірибелі мамандарымен танысуға, мотивацияланған және перспективалы студенттерді анықтауға, клиенттердің дефолтқа түсу ықтималдығын (Probability of Default, PD) болжау тәсілдерін меңгеруге, сондай-ақ қаржы ұйымдарының нақты аналитикалық тапсырмаларын шешу тәжірибесін алуға бағытталған;
Сайысқа Алматы қаласының жоғары оқу орындарының 3–4 курс студенттері қатыса алады, бағыттары: Data Science, Data Analytics, Information Technology, Finance, математика және оларға қатысты мамандықтар; қатысу командалық форматта, әр командада ең көп дегенде үш адам болуы тиіс. Егер қатысушы жеке тіркелсе, ұйымдастырушылар мұндай қатысушылардан командаларды өздері қалыптастыруға құқылы.
Қатысушыларға кредиттік тәуекелдерді басқару саласындағы нақты қаржы ұйымының тапсырмасын имитациялайтын кейс ұсынылады, оның мәні – ұйымдастырушылар ұсынған деректер жиынтығына сүйене отырып клиенттердің дефолтқа түсу ықтималдығын (Probability of Default, PD) болжау тәсілін әзірлеу.
Жұмыстарды бағалау кезінде аналитикалық тәсілдің және қаржылық логиканың сапасы, Data Science және Machine Learning әдістерін қолданудың дұрыстығы, қабылданған шешімдердің негізділігі және алынған нәтижелерді терең талдау, презентацияның құрылымы мен көрнекілігі, сондай-ақ ұсынылған шешімнің практикалық қолданылу мүмкіндігі ескеріледі. Бағалауды KPMG FRM бөлімінің өкілдерінен құралған қазылар алқасы жүргізеді.
Case Hackathon екі кезеңде өткізіледі — іріктеу онлайн-тур және финал оффлайн-тур.
